पर्सा गाउँपालिकाको नव निर्मित भवनको उद्घाटन

सर्लाहीको पर्सा गाउँपालिका कार्यालय संचालनको निर्माण गरिएको भवनको  एक कार्यक्रमका बीच उद्घाटन गरिएको छ । शुक्रवार एक कार्यक्रमका बीच गाउँपालिका अध्यक्ष किसुनदेव रायले नवनिर्मित भवनको उद्घाटन गर्नुभएको हो । साविक पर्सा गाउँपालिकाको कार्यालय रहेको दुई कोठे भवन तथा भाडाको घरमा हाल गाउँपालिकाको कार्यालय संचालन हुँदै आएको  थियो ।

अठासी लाखको लागतमा दुई तल्ले भवन उपभोक्ता समिति मार्फत निर्माण गरिएको छ । भवनको एउटा तल्लामा आठ ओटा कोठा र शौचालय रहेको छ भने ग्राउण्ड फोर तरकारी बजारको लागि खुल्ला छोडिएको छ । त्यस्तै चालु आर्थिक वर्षमा तेश्रो तल्ला निर्माण गरिने पर्सा गाउँपालिकाका प्रमुख प्रशासकिय अधिकृत मदन बहादुर थिङ्गले जानकारी दिनुभयो ।