बिभिन्न खेल तमासाको साथ हरिपूर्वा नपा मा महाबिरी झण्डा आज देखि शुरु

सदरमुकाम मलगंवा देखि पूर्व रहेको हरिपूर्वा नगरपालिका–०५ पुरानो बजार मा आज देखि महाबिरी झण्डा शुरु भएको छ । हरिपूर्वा नगरपालिका ५ बस्ने युगल साहको छोरा रुपेश साहले मन्नत पुरा भएको खुशियालिमा १ सय ५ फिटको महाबिर जी को झण्डा बनाएर आज बिधिबत रुपमा पुजापाठ गर्दै मेलाको सुरुवात गरिएको स्थानिय दर्शनार्थी महेश साहले बताउनु भएको छ ।

करिब ५ बर्ष पछि हरिपूर्वा नगरपालिकामा यस्ता झण्डाको आयोजना भएपछि दर्शनार्थी को भिड आजै देखि बढेको मेला समितीको सदस्य दिनेश यादव ले बताए । १५ दिन सम्म चल्ने यस मेलामा दर्शनार्थी आर्कषणको लागी मौत का कुवां,बिभिन्न झुलाहरु, तथा खेल तमासा कुस्ती, झराझरी सहित विभिन्न मनोरञ्जनात्मक कार्यको ब्यबस्था गरिएको स्थानिय उमेश साहले बताए ।