वैशाख,६ गते । सवारी दुर्घटनामा परि महोत्तरीमा नवविवाहिता दम्पतिको मृत्यु भएको छ । वुधबार दिउँसो महोत्तरीको गौशालास्थित जंगलमा भएको सवारी दुर्घटनामा परि श्रीमान, श्रीमती सहित १ वालिकाको मृत्यु भएको छ ।मृत्यु हुनेमा सिरहा कल्याणपुर नगरपालिका–१० का २६ वर्षीय अमृत मण्डल, उनकी श्रीमती २४ वर्षीया अन्जु मण्डल र भतिजी ६ वर्षीया अंशु मण्डल रहेका छन् । अमृत र अन्जु श्रीमान श्रीमती हुन । उनीहरुको गत फागुनमा विवाह भएको थियो ।
बुधवार दिउँसो अमृतले (ससुराली)बाट श्रीमतीलाई लिएर घरतर्फ गईरहेका थिए। जंगलमा रहेको रेल्वे ट्रयाक नजिकको मोडमा मोटरसाईकल वससँग ठोक्किदा तीनै जना गम्भीर रुपमा घाईते भएका थिए ।
अमृत र अंशुको वर्दिवासस्थित शुभस्वस्तिक हस्पिटलमा उपचारको क्रममा ज्यान गएको जिल्ला प्रहरी कार्यालय महोत्तरीले जनाएको छ ।त्यस्तै अन्जुको वर्दिवास ट्रमा सेन्टरमा उपचारको क्रममा ज्यान गएको महोत्तरी प्रहरीले जनाएको छ ।
प्रहरीका अनुसार गौशालाबाट बर्दिबासतर्फ गईरहेको मधेश प्रदेश ०१ ०१–००४ प ६८१९ नम्बरको मोटरसाईकल गौशालातर्फ आईरहेका बा ३ ख २३९६ नम्बर बसमा ठोकिएको थियो । मोटरसाईकल तीव्रगतिमा भएको कारण अनियन्त्रित भई वसमा ठोक्किदा दुर्घटना भएको जिल्ला प्रहरी कार्यालय महोत्तरीका प्रहरी प्रवक्ता डिएसपी दिलीपकुमार गिरीले जानकारी दिए ।
तीनजनाको शव अहिले वर्दिवासको अस्पतालमा रहेको र घटनाको सम्बन्धमा थप अनुसन्धान भईरहेको डिएसपी गिरीले जानकारी दिए ।
