भदौ १७ सर्लाहीको सुखेपोखरीमा संचालित अनाथ बालगृहका संचालक एवं समाजसेवी सरोज खनालको निधन भएको छ।
सर्भिस फर पिस नेपालका महासचिव समेत रहनुभएका खानल तीन वर्ष देखि धादिङमा बसेर विभिन्न संघसंस्थासँगको समन्वयमा भुकम्पपछिको पुनःनिर्माणको काममा सकृय हुनुहुन्थ्यो । भुकम्पपछि धादिङको विभिन्न पालिकामा खानेपानी र बिद्यालय निर्माण काममा सकृय खानलले सर्लाहीको बरहथवा महाकवि लक्ष्मीप्रसाद देवकोटा पुस्तकालय , हरिपुर–१ हजारविघामा ह्पी पुस्तकालय र हरिवनको सुकेपोखरीमा अनाथ बालगृह संचालन गर्नुभएको छ। बरहथवा नगरपालिका–१६, गंगापुर घरभएका ५३ वर्षीय खनाल धादिङमा आफ्नै कोठामा सुतेकै स्थानमा मृत फेला परेका हुन् । खनालका श्रीमती एक छोरा एक छोरी छन् ।
