लालबन्दी सर्लाहीको लालबन्दी नगरपालिका–७, मा रहेको जन कृषि सहकारी संस्थाको आज (शुक्रबार) १३ औँ वार्षिक साधारण सभा सम्पन्न भएको छ ।
संस्थाका अध्यक्ष महेन्द्र महतोको अध्यक्षता, प्रदेश सभा सदस्य बेची लुंगेलीको प्रमुख आतिथ्यता र राष्ट्रिय सहकारी बैंक हरिवन शाखाका प्रवन्धक नारायण लामिछानेको विशिष्ठ आतिथ्यतामा लालबन्दी ६ स्थित पुरानो नगरपालिका भवनमा साधारण सभा सपन्न गरिएको हो । सभामा संस्थाले गएको आर्थिक वर्ष २०७९/०८० मा कूल ११ करोड ९ लाख ९३ हजार ५९७ रुपैयाँ ११ पैसा कारोवार गरी ९ लाख ९१ हजार ७१७ रुपैयाँ ९० पैसा खुद मुनाफा आर्जन गरेको संस्थाका प्रवन्धक हरेन्द्रकुमार झा (विपीन) ले जानकारी दिए।
साधारण सभाकै अवसरमा संस्थाले आजै रक्तदान कार्यक्रम पनि सम्पन्न गरेको छ । जहाँ २६ जनाले रक्तदान गरेका प्रवन्धक झाले बताए ।
