पत्रकार हत्याको विरोधमा नेपाल पत्रकार महासंघ सर्लाही शाखाको बिरोध प्रदर्शन

चैत १६ मलंगवा । समाचार सङ्कलनको क्रममा पत्रकारको हत्या र सञ्चारगृहमा आक्रमण भएको विरोधमा सर्लाहीका पत्रकारले आज सदरमुकाम मलङ्गवामा प्रदर्शन गरेका छन् । नेपाल पत्रकार महासङ्घ सर्लाही शाखाको आयोजनामा जिल्लाभरका पत्रकार सदरमुकाम मलङ्गवामा भेला भएर विरोध ¥याली तथा कोण सभा सम्पन्न गरेका हुन् । हिजो सङ्घीय राजधानी काठमाडौंको तीनकुनेमा भएको राजावादीको प्रदर्शनका क्रममा आन्दोलनकारीबाट एक घरमा आगजनी हुँदा एभिन्यूज टेलिभिजनमा कार्यरत पत्रकार सुरेश रजकको जलेर मृत्यु भएको थियो । त्यस्तै आन्दोलनरत पक्षबाट विभिन्न सञ्चारमाध्यममा आक्रमण भएको थियो । सो घटनाको विरोधमा आज देशव्यापी आन्दोलनको कार्यक्रम अन्तर्गत सर्लाहीका पत्रकारले पनि सदरमुकाम मलङ्गवामा प्रदर्शन गरेका हुन् । मलङ्गवास्थित शहीद चोकबाट विरोध ¥याली निकालेर नगर परिक्रमा गरी जिल्ला प्रशासन कार्यालय अगाडि कोण सभा गरिएको नेपाल पत्रकार महासङ्घ सर्लाही शाखाले जनाएको छ । ¥यालीमा सहभागी पत्रकारले दोषीलाई कारवाही गर, पीडितलाई न्याय दे, सञ्चारमाध्यममाथिको आक्रमण बन्द गर, पत्रकार कुट्न पाइदैन, प्रेस स्वतन्त्रता जिन्दावादजस्ता नारा लगाएका थिए । ¥यालीपश्चात आयोजित कोण सभालाई नेपाल पत्रकार महासङ्घ सर्लाही शाखाका अध्यक्ष ओमप्रकाश ठाकुर, पूर्व अध्यक्ष शङ्कर श्रेष्ठ र नागरिक समाज सर्लाहीका महासचिव शिवचन्द्र चौधरीले सम्वोधन गर्दै जघन्य अपराधमा संलग्न व्यक्तिलाई तत्काल पक्राउ गरी कारवाही गर्न र संविधान अनुरुप पूर्ण प्रेस स्वतन्त्रता कायम गर्न माग गर्नुभएको छ । आज बिहान नेपाल पत्रकार महासङ्घको स्थापना दिवस प्रभातफेरि र जिल्लाका पत्रकारको स्वास्थ्य परीक्षण गरेर मनाउने तयारी गरिएकोमा हिजो विकसित घटनापछि विरोध ¥याली र कोण सभा आयोजना गर्नुपरेको नेपाल पत्रकार महासङ्घ सर्लाही शाखाका अध्यक्ष ठाकुरले बताउनुभयो । उहाँले हिजोको घटनामा ज्यान गुमाएका पत्रकार रजकको परिवारलाई उचित राहत, घाइते पत्रकारको उपचार र सञ्चारगृहमाथि आक्रमण गर्ने व्यक्तिहरुको पहिचान गरी कारवाही अघि नबढाए थप सशक्त आन्दोलनमा उत्रने चेतावनी दिनुुभएको छ ।