सर्लाहीमा दिनानुदिन कारोनाको संक्रमण बढदै, भारत बाट मजदूर आउने क्रम जारी, संक्रमितको संख्या ६१५ पुग्यो

सर्लाहीको २० स्थानिय तह मध्ये लालबन्दी नगरपालिका बाहेक प्रत्येक स्थानिय तहमा २० वटा भन्दा बढि कोरोना संक्रमित भएपनि स्थानिय सरकार र स्थानिय प्रशासनको चासो नभएको कारण प्रत्येक दिन कारोना संक्रमितको संख्या बढदै गइरहेको छन । आज मात्रै २१ जना कारोना संक्रमण सर्लाहीमा थपिएको छ ।
राष्ट्रिय जनस्वास्थ्य प्रयोगशाला टेकु, काठमाण्डौंमा थ्रोट स्वाब परीक्षण गर्दा विष्णु गाउँपालिकाका १८ जना, कौडेना गाउँपालिकाका २ जना र कौडेना गाउँपालिकाका १ जना गरी २१ जनामा संक्रमण पाइएको प्रमुख जिल्ला अधिकारी मोहनबहादुर जिसीले जानकारी दिए । आजका समेत गरी सर्लाहीमा कोरोना संक्रमितको संख्या ६१५ पुगेको प्रमुख जिल्ला अधिकारी जिसीले बताए ।

प्रजिअ जिसीका अनुसार आजसम्म जिल्लाका विभिन्न आइसोलेसनबाट नेपाल सरकारको आइसोलेसन मापदण्ड अनुसार ३९७ जना संक्रमितलाई घर पठाइएको छ । डिस्चार्ज भएकामध्ये केही संक्रमणमुक्त भएका व्यक्ति छन् भने केहीलाई सरकारको मापदण्डलाई टेकेर दोस्रो पटक थ्रोट स्वाब परीक्षण नै नगराई आइसोलेसनमा निश्चित समय बसेपछि घर पठाइएको हो ।

दिनहुँ सङ्क्रमित बढ्दै गइरहेका र सरकारले अत्यन्त जोखिमको सूचीमा राखेको सर्लाहीसहित केही जिल्लामा सङ्क्रमणबाट जोगिन आवश्यक सतर्कता भने अपनाइएको छैन् । सर्लाहीमा लामो दुरीका सार्वजनिक यातायातका साधन र मानिसको धेरै भीडभाड हुने जिल्ला प्रशासन एवं ईलाका प्रशासन, नापी र मालपोत कार्यालय बाहेक अन्य सबै कार्यालय एवं निकायहरु खुलिसकेका छन् ।

शहर बजार र सडकमा मानिसको चहलपहल पहिले झैं देखिन थालिसकेको छ । व्यापार व्यवसाय पनि साबिकै अवस्थामा फर्किएको छ । लकडाउन खुुकुलो पारेपछि सङ्क्रमणको ख्याल नै नगरी लापरवाही किसिमले हिँड्डुल गर्नेहरु बढेका छन् ।