तस्करी भइरहेको सालको गोलिया ट्रयाक्टर सहित मलंगवा बाट पक्राउ

सर्लाहीको फुलजोरबाबा साझेदारी वन उपभोक्ता समितीले घरायसी प्रयोजनको लागी बिक्री गरेको सालको गालिया तस्करी हुदै गरेको अबस्थामा ब्रह्मपूरी गाउपालिका र मलंगवा नगरपालिका को बिचबाट प्रहरीले २ वटा ट्रयाक्टर सहित बरामद गरेको छ ।
प्रत्येक बर्ष सर्लाहीमा साझेदारी वन उपभोक्ता समुहहरु घरायसी प्रयोजनको नाममा लार्खौ क्युफिट सालको गोलिया जथाभावि रुपमा बेच्ने गरेको र खरिद भएको ठाउमा काठ नगई महगो दरमा तस्करी भइरहेको कुरा खुलेको छ ।
प्रहरिले ना २ त ३८२ र ना २ त ३२३९ नम्बरको ट्रयाक्टर लोड गरेको ३८ थान सालको गोलिया अन्दाजी २ सय ४८ क्युफिट काठ बरामद गरेको जिल्लाका प्रहरी प्रवक्ता माधव प्रसाद बुढाथोकिले बताए ।

डिभिजन वनका निमित प्रमुख बिरेन्द्र प्रसाद यादबले घरायसी प्रयोजनको लागी लगिएको काठ अन्यत्र लैजान नमिल्ने वताए । यादबको अनुसार यस बिषयमा अनुसंधान भइरहेको छ । पटक पटक यसरि काठ फेला पर्नुले साझेदारी वन उपभोक्ता समितीवाट अवैध रुपमा जंगलि काठहरु तस्करी भइरहेको खुलेको स्थानिय कृष्णा यादबले वताएको छ ।
झन्डै एक महिना अघि फुलजोरबाबा साझेदारी वन उपभोक्ता समिती बाटै हरिपूर्वा नगरपालिकाको उपभोक्ताको लागी छुटेको काठ महोत्तरी बाट बरामद भएको थियो ।

हरिपूर्वा नगरपालिकाको उपभोक्ताको नाममा बितरण गरेको १ सय ५० क्युफिट काठ महोत्तरीको माइस्थान बाट सब डिभिजन वन कार्यालयले बरामद गरेको थियो ।