हरिवन नगरपालिका वडा नम्बर ९ द्वारा जेष्ठ नागरिक र शारीरिक रुपमा अशक्त भएकालाई सम्मान

हरिवन नगरपालिका ९ को वडा कार्यालयले वडा भित्र बसोबास गरिका जेष्ठ नागरिक र शारीरिक रुपमा अशक्त भएकालाई सम्मान गरेको छ। वडा अध्यक्ष सिताराम पोखरेलको सभापतित्वमा भएको सम्मान कार्यक्रम हरिवन नगरपालिकाका नगर प्रमुख गणेश प्रसाद प्रसाईंले शताब्दी पुरुष बबरसिंह थापा र जिवनाथ दाहाललाई दोसल्ला, ढाकाटोपी र फुलमालाले अभिनन्दन गर्नुभएको हो । थापाले शिक्षा क्षेत्रमा महत्त्वपूर्ण योगदान दिएको र दाहालले धार्मिकमा क्षेत्र योगदान पुर्‍याएकाले उहाँहरु दुवैलाई कदरपत्र सहित सम्मान गरिएको छ।

वडा कार्यालयले वडा भित्रका अन्य २२५ जना जेष्ठ नागरिक र अपाङ्गता भएकाहरुलाई पनि सम्मान गरिएको छ। त्यसैगरी सम्मान कार्यक्रममा नेपाल पत्रकार महासंघ सर्लाहीका अध्यक्ष टंकबहादुर क्षेत्रीलाई पनि भब्य सम्मान गरिएको छ । क्षेत्रीले मोफसलमा बसेर करिव दुई दशक देखि निरन्तर पत्रकारिता गरि समाजलाई मार्गनिर्देशन गरेको र आगामी दिनमा पनि सशक्त पत्रकारिताको अपेक्षा रहित सम्मान गरिएको बताएको छ ।

सम्मान कार्यक्रममा हरिवन अस्पतालका डाक्टर ईन्द्रजित महतोलाई पनि सम्मान गरिएको छ। कार्यक्रम हरिवन नगरपालिका उप प्रमुख रेणु पौडेल ,एमाले नेता कल्पना कटुवा समाजसेवी वडाध्यक्ष राजनीति दलका प्रतिनिधिहरुको सहभागीता रहेको थियो।