सात महिना देखी कर्मचारीले तलब नपाएपछि कार्यालय बन्द गरि धर्नामा

अति आवश्यक सेवा बाहेक सबै सेवा बन्द भएपछि नगरपालिका भित्रका ४० हजार जनता सिधै मारमा परेको छ । ९ वटै वडा कार्यालय,आर्युवेद शाखा,स्वास्थ्य शाखा,कृषि शाखा, पशु शाखा लगाएतका शाखाहरु पुर्णरुपमा बन्द भएपछि जनताको विभिन्न सिफारीस सहित,घटना दर्ता,बिरामी चेकजाच, जस्ता नियमित कामहरु बन्द भएको छ ।चालु आ.व साउन देखी कर्मचारी,शिक्षकहरुको तलव रोकिएको छ । हरिपूर्वा नगरपालिका बिबादमा रहेकोले नगरसभा हुन नसक्दा समस्याहरु आएको वडा नम्बर १ का वडाध्यक्ष श्यामबाबु रायले बताए । नगरसभाको लागी हिजो बसेको कार्यपालिकाको बैठक पनि असफल भएपछि कर्मचारीहरु निरास बनेको छ ।